Plattdüütsch-Zentrum fiert tein Johr Platt för de Lütten (sh:z, NFT 17-06-2020)

Nordfriesland Tageblatt

Plattdüütsch-Zentrum fiert tein Johr Platt för de Lütten

"Snack Platt mit mi" för Multiplikatoren ut Kinnergoorns un Scholen geiht ok in de Corona-Tied.

Siet tein Johr gifft dat nu 'Platt för de Lütten'. De söss Kurse heten Sprakengschicht, Basiswoortschatz, Basisgrammatik, Texten un Leesböker, Didaktik un Methodik un dorto Medien för de Praxis. Jümmers an en Sünnavend vun Klock tein bet Klock veer. Fördert warrt de Kurs vun dat Kieler Ministerium för Soziales un meist is de Kurs een Johr vörher besett.

Över 200 Multiplikatoren hebbt de Kurse besöcht un geven an Kinnergoorns, Scholen un anner Steden de plattdüütsche Spraak wieder. Kiek na ünner www.plattdeutsches-zentrum.de Dit Johr hett de Zentrumsleiterin Gesa Retzlaff för all Kurslüüd extra Schutzmasken maken laten mit dat Logo "Snack Platt mit mi". De Plattdüütschen laten sik nich ünnerkriegen.

Plattdüütsch-Zentrum fiert tein Johr Platt för de Lütten (sh:z NFT 17-06-2020) Quelle: Erschienen am 17. Juni 2020 in sh:z Nordfriesland Tageblatt